გახდი ჩვენი მომდევნო ფრანჩაიზის პარტნიორი

ბრენდის მიმზიდველობას რამდენიმე გამორჩეული ელემენტი განაპირობებს: თბილი და მშვიდი გარემო, ჩვენი საფირმო ორკილოგრამიანი, ბუნებრივ საფუარზე მომზადებული პური, რომლითაც ცნობილ ტარტინებს, ანუ ღია სენდვიჩებს ვამზადებთ, და დიდი კომუნალ მაგიდა.

ჩვენი ფრენჩაიზპარტნიორები მთელი წლის განმავლობაში აქტიურად თანამშრომლობენ. რეგულარული საინფორმაციო წერილების, ყოველწლიური კონფერენციის Tartine Connections-ისა და ფრენჩაიზის საკონსულტაციო საბჭოს ფარგლებში ისინი ერთმანეთს გამოცდილებას უზიარებენ და ბრენდის განვითარების წლიურ გეგმებზე ერთად მუშაობენ.

ჩვენ მხოლოდ ფრენჩაიზის გამცემი კომპანია არ ვართ. გვაქვს 30 წელზე მეტი პრაქტიკული და საოპერაციო გამოცდილება. ამჟამად ჩვენი გუნდი ბელგიაში, პარიზში, ამსტერდამსა და ლონდონში 50-ზე მეტ საცხობს მართავს, რომლებიც სტუმრებს მთელი დღის განმავლობაში ემსახურება.

ჩვენი დამფუძნებლის, ალენის ხედვა თავიდანვე ჯანსაღ კვებასა და გარემოზე ზრუნვას ეფუძნებოდა. მარტივი და დაუმუშავებელი პროდუქტები, გაზიანი სასმელების გარეშე, ცხიმის შემცირებული რაოდენობა და ვეგანური არჩევანი ის პრინციპებია, რომლებმაც Le Pain Quotidien გამორჩეულ ბრენდად აქცია და მსოფლიოს მასშტაბით მილიონობით ადამიანის სიყვარული მოუტანა.

ჩვენს პარტნიორებს ვთავაზობთ ბიზნესის დაწყებისა და განვითარებისთვის საჭირო ინსტრუმენტებსა და სახელმძღვანელოებს, მათ შორის მარკეტინგულ რესურსებს, რეცეპტების ბაზასა და ადამიანური რესურსების მართვის გეგმას. ამასთან, პროცესის თითოეულ ეტაპზე ადგილზე ვუწევთ მხარდაჭერას, რაც მათ ბიზნესის ეფექტურად მართვასა და განვითარებაში ეხმარება.

1990 წლიდან მსოფლიოს 21-ზე მეტ ქვეყანაში Le Pain Quotidien-ის 210-ზე მეტი საცხობი გავხსენით, რომლებიც სტუმრებს მთელი დღის განმავლობაში ემსახურება. ჩვენი ქსელის მუდმივი ზრდა ადასტურებს, რომ ბრენდი მომხმარებლებისთვის აქტუალური, ხოლო ფრენჩაიზპარტნიორებისთვის მიმზიდველია მთელი მსოფლიოს მასშტაბით, ბუენოს-აირესიდან ტოკიომდე.

Le Pain Quotidien სხვადასხვა ფორმატის ობიექტებს აერთიანებს. თითოეული მათგანის კონცეფცია ბრენდის შეთავაზებასა და შესაბამისი სამიზნე აუდიტორიის საჭიროებებზეა მორგებული.

ჩვენი ფლაგმანი ობიექტები სტუმრებს ადგილზე კვების სრულ შესაძლებლობას სთავაზობს და საცხობსაც აერთიანებს, სადაც ახალი პროდუქცია მზადდება. ისინი გამორჩეულ შენობებში, ხალხმრავალ ადგილებშია განთავსებული და პროდუქციის თან წასაღებ სივრცესაც მოიცავს. მათი რეკომენდებული ფართობი მინიმუმ 250 მ²-ია.

კორენმარკტი (გენტი), ბელგია.

უბნის ობიექტები საცხოვრებელ კვარტლებში, საგანმანათლებლო და დასასვენებელ სივრცეებთან ახლოს მდებარეობს. ისინი განკუთვნილია სტუმრებისთვის, რომლებსაც მშვიდ და შინაურულ გარემოში სადილობა სურთ. ამ ტიპის ობიექტების რეკომენდებული ფართობი 200 მ²-ს აღემატება.

კასაბლანკა, მაროკო.

ქალაქის ცენტრში მდებარე ობიექტები ხალხმრავალ ადგილებშია განთავსებული, რაც მომხმარებელთა მუდმივ ნაკადს უზრუნველყოფს. ისინი სტუმრებს როგორც სწრაფ მომსახურებასა და კერძების წაღებას, ასევე ადგილზე მშვიდად სადილობის შესაძლებლობას სთავაზობს. ამ ტიპის ობიექტების ოპტიმალური ფართობი 150 მ²-მდეა.

დანსარტი (ბრიუსელი), ბელგია.

კომპაქტური ობიექტები სატრანზიტო სივრცეებსა და სავაჭრო ცენტრებში მდებარეობს, სადაც სწრაფ და ეფექტურ მომსახურებას უზრუნველყოფს. ისინი ხშირად დღე-ღამის განმავლობაში მუშაობს. მომხმარებლებს პროდუქტს ძირითადად დახლთან სთავაზობენ, თუმცა მცირე დასაჯდომ სივრცესაც აწყობენ. ასეთი ობიექტების ფართობი დაახლოებით 100 მ²-ია.

მეხიკოს საერთაშორისო აეროპორტი, მექსიკა.

სავაჭრო ჯიხურები იდეალურია დახურული სავაჭრო ცენტრებისა და სატრანსპორტო სადგურებისთვის. ღია და მიმზიდველ სივრცეში მომხმარებლების მომსახურება მხოლოდ დახლთან ხდება. ამ ტიპის ობიექტების ფართობი მაქსიმუმ 35 მ²-ია და სივრცე ეფექტურად არის ათვისებული.

გარ დე ლესტი (პარიზი), საფრანგეთი.